ავტომექანიკოსი

პროგრამის მიზანია:

შეასწავლოს მსმენელს ჯანმრთელობის და შრომის უსაფრთხოების წესების დაცვით სამუშაოს ორგანიზება; ავტომობილის ტრანსმისიის, სავალი ნაწილის, საჭით სამართი მექანიზმისა და სამუხრუჭე სისტემის; ძრავის მექანიზმებისა და სისტემების (გაგრილების სისტემა; კვების სისტემა; გაპოხვისა და შეზეთვის სისტემა; ძრავასთან დაკავშირებული ელ.მოწყობილობები) ტექნიკური უწესივრობების დადგენა; დაზიანებული აგრეგატებისა და კვანძების მოხსნა; განდეტალება, გასუფთავება, დეფექტების აღმოფხვრა (ახლით შეცვლა); კომპლექტაცია, მიყენება და რეგულირება შესაბამისი საზეთ-საპოხი მასალების, იარაღ-სამარჯვების, მოწყობილობებისა და ინსტრუმენტების  გამოყენებით. 

პროგრამაში ისწავლება: 

o ტრანსმისია; 

o სავალი ნაწილი; 

o საჭით სამართი მექანიზმი; 

o სამუხრუჭე სისტემა; 

o ძრავის მექანიზმები და სისტემები (გაგრილების სისტემა; კვების სიტემა; გაპოხვისა და შეზეთვის სისტემა; ძრავასთან დაკავშირებული ელ.მოწყობილობები).

გამოყენებული მეთოდები:

მოკლევადიანი პროგრამით გათვალისწინებული სწავლის შედეგების მიღწევისათვის გამოყენებულია თეორიული და პრაქტიკული სწავლების ფორმატი ლექციისა და პრაქტიკული მეცადინეობის სახით, პრაქტიკული უნარების გამომუშავებით (ჩვენება-დემონსტრირება, პრაქტიკული სავარჯიშო). 

პროგრამაზე დაშვების წინაპირობა:

რეგისტრაცია თბილისში, მინიმალური ასაკი 18 წელი, გასაუბრება. 

სწავლის დაწყების თარიღი: 2025 წლის 28 აპრილი;

სწავლების ვადა: 9 კვირა, კვირაში 4 დღე, დღეში 4 საათი;

პროგრამაზე მოხვედრის ეტაპები:

რეგისტრაცია; 

დოკუმენტაციის გადარჩევა;

გასაუბრება.

დასაქმების სფერო:

პროგრამის დასრულების შემდეგ კურსდამთავრებულის დასაქმების სფერო შეიძლება იყოს ნებისმიერი სახელმწიფო, ან/და კერძო საწარმო, რომლის საქმიანობა დაკავშირებული იქნება ავტომობილის სავალი ნაწილისა და ძრავის სარემონტო სამუშაოს შესრულებასთან, ან/და თვითდასაქმება.