მოკლევადიანი კურსის „იტალიური სამზარეულოს საფუძვლები“ მიზანია მსმენელმა შეისწავლოს იტალიური კულინარიული ტრადიციების თავისებურებები, ძირითადი და გავრცელებული კერძების მომზადების ტექნოლოგია და პრაქტიკულად დაეუფლოს მათ დამოუკიდებლად შესრულებას.

პროგრამის დასრულების შემდეგ მას  შეუძლია:

• იტალიის რეგიონული სამზარეულოს ძირითადი მახასიათებლების დახასიათება და განმარტება;

• ტრადიციული იტალიური კერძების (მაგ.: Pizza, Pasta, Risotto, Lasagna) მომზადება ტექნოლოგიური წესების დაცვით;

• იტალიური ტიპის წვნიანი კერძების (მაგ.: Minestrone), სალათებისა (მაგ.: Caprese salad) და გარნირების მომზადება;

• ფრინველისა და საქონლის ხორცის იტალიური სტილით დამუშავება და გრილზე/ღუმელში მომზადება;

• ზღვის პროდუქტების (თევზი, მოლუსკები) იტალიური ტექნოლოგიით მომზადება;

• ბოსტნეულისა და სოუსების (პომიდვრის, პესტოს და სხვა) სწორად მომზადება და კერძებთან შეთავსება;

• ჰიგიენის, სანიტარული ნორმებისა და პროდუქტის დამუშავების სტანდარტების დაცვა. პროგრამაში ისწავლება:

• იტალიური სამზარეულოს განვითარების ისტორიული და რეგიონული თავისებურებები;

• იტალიური კულინარიის ძირითადი პრინციპები (ნედლეულის ხარისხი, მარტივი ტექნოლოგია, გემოთა ბალანსი);

• ტრადიციული იტალიური კერძების სახეობები და მათი მომზადების ტექნოლოგია (მაგ.: Pizza, Pasta, Risotto, Lasagna);

• იტალიური წვნიანი კერძების (მაგ.: Minestrone), სალათებისა და გარნირების მომზადების სპეციფიკა;

• ტრადიციული იტალიური სოუსების (პომიდვრის ბაზაზე, პესტო და სხვ.) მომზადების საფუძვლები;

• სანიტარული და ჰიგიენური ნორმები კვების ობიექტში მუშაობისას

გამოყენებული მეთოდები: პროგრამის სწავლებისას გამოიყენება თეორიული და პრაქტიკული სწავლების ფორმატი, პრაქტიკული უნარების გამომუშავებით, ადგილზე დასწრებით.

პროგრამაზე დაშვების წინაპირობა: მინიმალური ასაკი 16 წელი; ქალაქ თბილისში რეგისტრაცია;

პროგრამაზე მოხვედრის ეტაპები: ონლაინ რეგისტრაცია; დოკუმენტაციის გადარჩევა; გასაუბრება;

სწავლის დაწყების თარიღი: 2026 წლის აპრილი; სწავლების ვადა: 2 თვე, კვირაში 2 დღე;

დასაქმების სფერო პროგრამის „იტალიური სამზარეულოს საფუძვლები“ კურსდამთავრებული შეიძლება დასაქმდეს იტალიური პროფილის რესტორნებში, პიცერიებსა და საერთაშორისო სამზარეულოს ობიექტებში, აგრეთვე სასტუმროების კვების სექტორში. შესაძლებელია თვითდასაქმებაც — იტალიური კერძების სპეციალიზაციით საკუთარი მცირე ბიზნესის ან კერძო შეკვეთების მიმართულებით