მოკლევადიანი პროგრამის მიზანია სამუშაოს მაძიებელთა პროფესიული მომზადება და დასაქმების ხელშეწყობა  Led განათებისა და ჭკვიანი სახლის სისტემების მონტაჟის სპეციალისტი პროფესიის ძირითადი პრაქტიკული უნარების გამომუშავების გზით.

პროგრამაში ისწავლება:

შრომის, ჯანმრთელობისა და ხანძარსაწინააღმდეგო უსაფრთხოების ნორმების დაცვა;

ელსამონტაჟო სამუშაოთა შესრულებისათვის ძირითადი და დამხმარე მასალების, საჭირო ხელსაწყო-იარაღებისა და სამარჯვების გამოყენება;

ელექტრული დენის, ძაბვისა და წინაღობის გაზომვა;

შიდა და გარე გაყვანილობის მონტაჟი;

საჭირო რაოდენობის მასალის გაანგარიშება და შერჩევა;

მასალების მომზადება;

სამუშაო ელ.ნახაზის  კითხვა;

კედლებში, იატაკსა და ჭერში არხების მონიშვნა და მომზადება;

სასართულე,  ღია და დახურული გაყვანილობების მონტაჟი;

გამოყენებული მასალებისა და ელექტრომოწყობილობების დაყენებამდე შემოწმება, გამართულ მდგომარეობაში მოყვანა და მათი მონტაჟი;

ჭკვიანი სახლის გაყვანილობის დაგეგმვა;

ფარის სწორი კონფიგურაცია;

Smart Switch/Relay დაყენება;

WiFi vs KNX სისტემის არჩევა;

მომხმარებლისთვის პროექტის შეთავაზება;

შესრულებული სამუშაოების შემოწმება.

გამოყენებული მეთოდები: პროგრამის სწავლებისას გამოყენებულია თეორიული და პრაქტიკული სწავლების ფორმატი, ლექცია - პრაქტიკული მეცადინეობის სახით (ჩვენება-დემონსტრირება, მოსმენა-გაგება, ინსტრუქტაჟი, პრაქტიკული სავარჯიშოების შესრულება).

პროგრამაზე დაშვების წინაპირობა: მინიმალური ასაკი 16 წელი, ქალაქ თბილისში რეგისტრაცია.

პროგრამაზე მოხვედრის ეტაპები: ონლაინ რეგისტრაცია, დოკუმენტაციის გადარჩევა, გასაუბრება; სწავლის დაწყების თარიღი - 2026 წლის მაისი სწავლების ვადა: 1 თვე, 4 კვირა, კვირაში 3-5 დღე დასაქმების სფერო: დიდი და მცირე სამშენებლო ფირმები და მშენებარე ობიექტები, ასევე თვითდასაქმება.