No items in cart

ლიფტების მოწყობა და უსაფრთხო ექსპლუატაცია

  • ბოლო განახლება Sep 26, 2026

კურსის შესახებ

პროგრამის  მიზანია  კვალიფიციური კადრის მომზადება, რომელსაც შეუძლია და ფლობს: 


 ლიფტის კონსტრუქცია და მექანიკური მოწყობა: ლიფტის შახტის, კაბინის, ამძრავი მექანიზმების (ლებიოდკა), ბაგირებისა და საპირწონეების სტრუქტურა. მზა დეტალებისგან კვანძების დაშლა-აწყობა, გამართვა და რეგულირება.

 ელექტროტექნიკა და მართვის ელექტრონული სისტემები: მართვის პანელების (პლატების) მოწყობა, ელექტრული სქემების წაკითხვა და ანალიზი. უსაფრთხოების ელექტრული ჯაჭვისა და სენსორების მუშაობის პრინციპები. მონტაჟისა და ინსტალაციის ტექნოლოგია: ლიფტის მიმმართველების (რელსების) გასწორება, კაბინის დასმა და ბაგირების გაჭიმვა. კარის მექანიზმებისა და საკეტების ზუსტი ინსტალაცია.

 ტექნიკური მომსახურება, დიაგნოსტიკა და რემონტი: პერიოდული სერვისი: შეზეთვა, მექანიკური ცვეთის შემოწმება, ხარვეზების კოდების წაკითხვა და მათი აღმოფხვრა. ავარიულ რეჟიმში გაჩერებული კაბინიდან მგზავრების უსაფრთხო ევაკუაციის (გამოყვანის) წესები.

 უსაფრთხოების სტანდარტები და სამართლებრივი რეგულაციები: სიჩქარის შემზღუდველებისა და დამჭერების (ე.წ. „პარაშუტების“) დატესტვა. ლიფტის მომზადება სახელმწიფო თუ კერძო ტექნიკური ინსპექტირებისათვის. მაღალ ძაბვაზე და სიმაღლეზე მუშაობისას შრომის უსაფრთხოების ინდივიდუალური დაცვის საშუალებების გამოყენება


პროგრამაში ისწავლება:

 

კურსი მოიცავს როგორც თეორიულ, ისე რეალურ ობიექტებზე დაფუძნებულ პრაქტიკულ კომპონენტებს:

•           ინსტალაცია და მონტაჟი: დაამონტაჟოს ლიფტის მექანიკური კვანძები, მიმმართველები (რელსები), კაბინა, ბაგირები და საპირწონეები უსაფრთხოების სტანდარტების დაცვით.

•           ელექტრული სისტემების მართვა: წაიკითხოს ლიფტის ელექტრული სქემები, გამართოს მართვის პანელები (პლატები), სიხშირის გარდამქმნელები (ინვერტორები) და უსაფრთხოების სენსორები.

•           ტექნიკური მომსახურება (სერვისი): დამოუკიდებლად აწარმოოს ლიფტების პერიოდული გეგმური მომსახურება (შეზეთვა, რეგულირება, მექანიკური ცვეთის კონტროლი).

•           დიაგნოსტიკა და რემონტი: სპეციალური ხელსაწყოებითა და ხარვეზის კოდებით სწორად მოახდინოს დაზიანების იდენტიფიცირება და მისი სწრაფი აღმოფხვრა.

•           ავარიული მართვა და უსაფრთხოება: მოახდინოს გაჩერებული ლიფტიდან მგზავრების უსაფრთხო ევაკუაცია და მოამზადოს ობიექტი სახელმწიფო ტექნიკური ინსპექტირებისთვის.

 

 

გამოყენებული მეთოდები :

ნორმატიული და თეორიული სწავლება

  • უსაფრთხოების ტექნიკისა და რეგულაციების შესწავლა: ლიფტებისა და ესკალატორების ექსპლუატაციის ეროვნული და საერთაშორისო სტანდარტების და საქართველოს კანონმდებლობის დეტალური გარჩევა.
  • ტექნიკური დოკუმენტაციის და სქემების კითხვა: ლიფტის ელექტრული, ჰიდრავლიკური და მექანიკური სქემების, პასპორტებისა და ინსტრუქციების ანალიზი.
  • კრიტიკული შემთხვევების ანალიზი (Case Studies): რეალური ავარიების, გაუმართაობებისა და უბედური შემთხვევების გარჩევა. სტუდენტები სწავლობენ, თუ რა შეცდომამ გამოიწვია ინციდენტი და როგორ უნდა აცილებულიყო ის თავიდან.

პრაქტიკული და სიმულაციური მეთოდები

  • სტენდური და ლაბორატორიული სიმულაციები: სპეციალურ სასწავლო სტენდებზე ლიფტის მართვის პანელების (მიკროპროცესორული პლატების) მუშაობის იმიტაცია, პროგრამირება და პარამეტრების გასწორება.
  • დეფექტების ძიება და დიაგნოსტიკა ინსტრუქტორი ხელოვნურად ქმნის ხარვეზს სისტემაში (მაგ. კარის ბლოკირების დაზიანება, უსაფრთხოების ჯაჭვის გაწყვეტა), ხოლო სტუდენტებმა ტესტერების და მულტიმეტრების საშუალებით უნდა იპოვონ და აღმოფხვრან პრობლემა.
  • სამონტაჟო და სარემონტო ოპერაციები: ლიფტის ძირითადი კვანძების (ამწევი მექანიზმი, ტროსები, კაბინის დამჭერები/შემზღუდველები, შახტის მოწყობილობები) აწყობის, რეგულირებისა და გამოცვლის პრაქტიკული დაუფლება.

რეალურ ობიექტებზე სწავლება (საველე პრაქტიკა)

  • პრაქტიკა მოქმედ ლიფტებზე: მეცადინეობები რეალურ სამშენებლო ობიექტებზე ან საცხოვრებელ/კომერციულ შენობებში, სადაც სტუდენტები უშუალოდ მონაწილეობენ ლიფტის შახტაში მუშაობის, რელსების სწორების და კაბინის მონტაჟის პროცესში.
  • საავარიო-სამაშველო ოპერაციების სიმულაცია: კაბინაში მყოფი „მგზავრის“ უსაფრთხოდ ევაკუაციის მეთოდების პრაქტიკული ათვისება ლიფტის ხელით მართვის (სამუხრუჭე სისტემის გახსნა და ვინჩის ტრიალი) საშუალებით.

ინსპექტირება და გამოცდა

  • ტექნიკური გამართულობის შემოწმება (ტესტირება): ლიფტის ექსპლუატაციაში გაშვებამდე საჭირო გამოცდების მეთოდოლოგია — დინამიკური და სტატიკური ტესტები (გადატვირთვის იმიტაცია), სიჩქარის შემზღუდველის მოქმედებაში მოყვანა და სხვა.

 

პროგრამაზე დაშვების წინაპირობა :

1.მინიმალური ასაკი 16 წელი

2.რეგისტრირებული ქალაქ თბილისში

 

პროგრამაზე მოხვედრის ეტაპები :

1.ონლაინ რეგისტრაცია

2.დოკუმენტების გადარჩევა

3.გასაუბრება

 

სწავლის დაწყების თარიღი : 2026 წლის ნოემბერი;

სწავლის ხანგრძლივობა : 4 თვე ;

 

დასაქმების სფერო : პროგრამის გავლის შედეგად მსმენელთა მიერ  მიღებული ცოდნა და უნარები შეუწყობს ხელს  მათ დასაქმებას სამშენებლო და დეველოპერული სექტორში, სარემონტო და სერვისული კომპანიებში რომლებიც ეწევიან კომერციული და სახელმწიფო ობიექტების მომსახურებას. ლიფტების სპეციალიზებული კომპანიებში.