მოკლევადიანი კურსის „მსოფლიო სამზარეულოს საფუძვლები“ მიზანია მსმენელმა შეიძინოს სხვადასხვა ქვეყნის სამზარეულოს ძირითადი თავისებურებების, გავრცელებული კერძების ტექნოლოგიური მომზადების და გრილზე დამუშავების პრაქტიკული უნარები.

პროგრამის დასრულების შემდეგ მას უნდა შეეძლოს:

სხვადასხვა ქვეყნის სამზარეულოს ძირითადი კერძების დახასიათება და მათი მომზადების სპეციფიკის განმარტება;

გავრცელებული წვნიანი კერძების, სალათების და გარნირების დამოუკიდებლად მომზადება;

ფრინველისა და საქონლის ხორცის სწორად შერჩევა, დამუშავება და გრილზე მომზადება;

ზღვის პროდუქტების (თევზი, ზღვის ნობათი) გრილზე ტექნოლოგიურად სწორად მომზადება;

ბოსტნეულისა და ხილის გრილზე მომზადება, გემოვნური და ვიზუალური მახასიათებლების გათვალისწინებით;

ჰიგიენის, უსაფრთხოების და პროდუქტის სწორად დამუშავების სტანდარტების დაცვა.

პროგრამაში ისწავლება:

სხვადასხვა ქვეყნის სამზარეულოების გავრცელებული კერძების დახასიათება;

სხვადასხვა ქვეყნის სამზარეულოების გავრცელებული (ძირითადი კერძების) წვნიანი  კერძების, სალათების, გარნირების  მომზადება;

ხორცის მომზადება გრილზე (ფრინველის და საქონლის ხორცი),ზღვის ნობათის მომზადება გრილზე,  ბოსტნეულისა და ხილის მომზადება გრილზე.

გამოყენებული მეთოდები: პროგრამის სწავლებისას გამოიყენება თეორიული და პრაქტიკული სწავლების ფორმატი, პრაქტიკული უნარების გამომუშავებით, ადგილზე დასწრებით.

პროგრამაზე დაშვების წინაპირობა: მინიმალური ასაკი 16 წელი; ქალაქ თბილისში რეგისტრაცია;

პროგრამაზე მოხვედრის ეტაპები: ონლაინ რეგისტრაცია; დოკუმენტაციის გადარჩევა; გასაუბრება;

სწავლის დაწყების თარიღი: 2026 წლის აპრილი; სწავლების ვადა: 3 თვე, კვირაში 2 დღე;

დასაქმების სფერო:პროგრამის „მსოფლიო სამზარეულოს საფუძვლები“ კურსდამთავრებული შეიძლება დასაქმდეს სხვადასხვა ტიპის კვების ობიექტებში (რესტორანი, კაფე, სასტუმრო, ქეითერინგ კომპანია, სწრაფი კვების ობიექტი) ან/და  თვითდასაქმება – იმუშაოს კერძო შეკვეთებზე ან გახსნას საკუთარი მცირე კულინარიული ბიზნესი.