ოპერატურა და განათება

პროგრამის მიზანია, მსმენელს  გააცნოს კინოოპერატორის როლი სტოპ-მოუშენ ანიმაციაში; შეასწავლოს კამერის ტექნიკური პარამეტრები (ექსპოზიცია, ფოკუსი, ISO, დიაფრაგმა) და  განათების პრინციპები ანიმაციურ გარემოში; განუვითაროს კადრის კომპოზიციისა და კამერის მოძრაობის გააზრების უნარები; სწავლება თუ როგორ გამოიყენონ სტუდენტებმა პროფესიონალური პროგრამა Dragonframe.

პროგრამაში ისწავლება:

კამერასთან დამოუკიდებლად მუშაობა,  ექსპოზიცია, ფოკუსი და კადრის კომპოზიციის კონტროლი.

სპეციალიზებული სტოპ-მოუშენ ტექნიკის ათვისება, განათების მართვა, კამერის მოძრაობისა და კადრის დინამიკის კონტროლი Dragonframe-ში. 

დეკორაციებისა და სცენოგრაფიის გამოყენებით  მცირე მასშტაბის სცენების შექმნა და პერსპექტივის ეფექტურად გამოყენება.

გამოყენებული მეთოდები:

პროგრამის სწავლებისას გამოიყენება თეორიული და პრაქტიკული სწავლების ფორმატი, პრაქტიკული უნარების გამომუშავებით, ადგილზე დასწრებით.

პროგრამაზე დაშვების წინაპირობა:

მინიმალური ასაკი 18 წელი;

ქალაქ თბილისში რეგისტრაცია;

სასურველია მსმენელს ჰქონდეს შეხება მხატვრობასთან, ასევე სასურველია, ჰქონდეს საკუთარი ფოტოაპარატი

პროგრამაზე მოხვედრის ეტაპები:

ონლაინ რეგისტრაცია;

დოკუმენტაციის გადარჩევა;

გასაუბრება.

სწავლის დაწყების თარიღი: 2025 წლის 28 აპრილი

სწავლების ვადა: 3 თვე, კვირაში 2 დღე; 

დასაქმების სფერო: თოჯინური ანიმაცია, კინო და სარეკლამო ინდუსტრია.