პროგრამის მიზანია, მონაწილეებმა შეისწავლონ განაშენიანების რეგულირების წესები, მშენებლობის ნებართვის გაცემის პროცედურები/ეტაპები და დასრულებული ობიექტის ექსპლუატაციაში მიღების ძირითადი საკითხები;  შეისწავლონ მიმდინარე მშენებლობის ზედამხედველობისა და სამშენებლო სამართადარღვევის საქმის წარმოების ძირითადი საკითხები; შეძლონ უძრავი ქონების სამშენებლო პოტენციალის განსაზღვრა: ზონირება, ქალაქმშენებლობითი პარამეტრები, ტერიტორიის გამოყენების სახეობები, მოქმედი შეზღუდვები და სხვა; სწორად განსაზღვრონ და შეაფასონ უძრავი ქონების განვითარების დამაბრკოლებელი გარემოებები და შეძლონ კანონმდებლობით გათვალისწინებული შესაძლებლობების იდენტიფიცირება; ეფექტურად წარმართონ ურთიერთობები საჯარო უფლებამოსილების მქონე დაწესებულებებთან თუ კერძო სუბიექტებთან, ასევე სასამართლოებთან; შეძლონ კვალიფიციური კონსულტაციის გაცემა სამშენებლო სამართლის საკითხებზე; სრულყოფილად მართონ უძრავი ქონების სამშენებლო განვითარების პროცესი,  პროექტირების დაწყებიდან, უძრავი ქონების ექსპლუატაციაში მიღების პროცედურების ჩათვლით.

 პროგრამაში ისწავლება:

Ø  სამშენებლო სამართლის სისტემა და ძირითადი წყაროები;

Ø  სივრცის დაგეგმარებისა და ქალაქმშენებლობითი დაგეგმვის საკითხები;

Ø  ტერიტორიის გამოყენებისა და განაშენიანების რეგულირების ძირითადი წესები;

Ø  უძრავი ნივთის  საგამონაკლისო წესით სამშენებლოდ განვითარება;

Ø  მიწის ნაკვეთის სამშნებლოდ გამოყენების პირობების დადგენა;

Ø  უძრავ ნივთზე არქიტექტურული პროექტის შეთანხმებასთან დაკავშირებული  ადმინისტრაციული წარმოება, მშენებლობის ნებართვის გაცემის წესი;

Ø  ისტორიული ნაწილის სამშენებლო განვითარების თავისებურებანი;

Ø  ავარიული შენობა-ნაგებობების ჩანაცვლების საკანონმდებლო რეგულირება;

Ø  მშენებლობის ზედამხეველობა და სამშენებლო სამართალდარღვევები

Ø  საპროექტო ობიექტის ექსპლუატაციაში მიღების წესი და პირობები;

Ø  უნებართვოდ ან/და პროექტის დარღვევით ნაწარმოები მშენებლობის ლეგალიზება;

Ø  ბინათმესაკუთრეთა და ბინათმენაშენეთა ამხანაგობები უძრავი ქონების სამშენებლო განვითარების პროცესში;

გამოყენებული მეთოდები: აღნიშნული სასწავლო კურსის ფარგლებში გამოყენებული იქნება ვერბალური ანუ ზეპირსიტყვიერი გადაცემისა და ახსნა-განმარტების მეთოდი. ასევე გამოყენებული იქნება კაზუისტიკური სწავლების მეთოდი (შემთხვევის ანალიზის (CASE STUDY)  მეთოდი), რომელიც ეფუძნება კონკრეტული შემთხვევების (კაზუსების) განხილვას, აგრეთვე დისკუსია/დებატების მეთოდი, რაც გულისხმობს მონაწილეთა ჩართულობის ხარისხისა და აქტივობის ამაღლებას. სწავლების პროცესი ინტერაქტიულია და მოითხოვს მონაწილეების მაქსიმალურ ჩართულობას. მოდული გაჯერებულია თანამედროვე სწავლების მეთოდებით და ორიენტირებულია მონაწილეებში ტრანსფერული უნარ-ჩვევების გამომუშავებასა და მათი გამოყენების პროცესში მოტივაციის ამაღლებაზე.

პროგრამაზე დაშვების წინაპირობა:

მინიმალური ასაკი 18 წელი;

ქალაქ თბილისში რეგისტრაცია;

პროგრამაზე მოხვედრის ეტაპები:

•           ონლაინ რეგისტრაცია;

•           დოკუმენტაციის გადარჩევა;

•           მონაწილეების შერჩევა.

სწავლების პერიოდი:  2025 წლის 27 ოქტომბრიდან  20 დეკემბრამდე,  კვირაში 2 დღე;