No items in cart

ტექნიკოსი - კომპიუტერის აპარატურული და პროგრამული პრობლემების მოგვარება

  • ბოლო განახლება Sep 24, 2026

კურსის შესახებ

პროგრამის მიზანია კურსდამთავრებულებმა აითვისონ კომპიუტერული ტექნიკის აპარატურული და პროგრამული მხარდაჭერის ტექნიკოსის პროფესია და შეისწავლონ: პერსონალურ კომპიუტერთან მუშაობისას შრომის უსაფრთხოების ნორმების დაცვა, კომპიუტერის შემადგენელი ნაწილები, მათი დანიშნულება და მუშაობის პრინციპები, კომპიუტერის აპარატურული და პროგრამული გამართვა, მისი უსაფრთხოების უზრუნველყოფა, განახლება-გაძლიერება, არსებული რისკების იდენტიფიცირება და პრევენცია, წარმოქმნილი პრობლემების გამოვლენა და აღმოფხვრა.

 

პროგრამაში ისწავლება:

კომპიუტერის ძირითადი შემადგენელი ნაწილების მთავარი ფუნქციები და მახასიათებლები;

კომპიუტერის დაშლა-აწყობა;

ოპერაციული სისტემა ვინდოუს-10 და ვინდოუს-11-ის შესაძლებლობების გაცნობა და ინსტალაცია;

დრაივერების და სამომხმარებლო პროგრამების ინსტალაცია;

მარტივი აპარატურული და პროგრამული უსაფრთხოების უზრუნველყოფა;

სისტემის შენახვა-აღდგენა, მყარი დისკების კლონირება; 

კომპიუტერის განახლება-გაძლიერებისთვის საჭირო მონაცემების მოძიება, შესაბამისი ნაწილების იდენტიფიკაცია და შეცვლა-დამატება;

გავრცელებული აპარატურული და პროგრამული პრობლემების იდენტიფიკაცია და პრევენცია;

ხშირად გავრცელებული პრობლემების გამოვლენა, აღმოფხვრა და საჭიროების შემთხვევაში პრევენციული ღონისძიებების გატარება.

 

გამოყენებული მეთოდები:

პროგრამის სწავლებისას გამოიყენება თეორიული და პრაქტიკული სწავლების ფორმატი, პრაქტიკული უნარების გამომუშავებით, ადგილზე დასწრებით.

 

პროგრამაზე დაშვების წინაპირობა:

მინიმალური ასაკი 16 წელი;

ქალაქ თბილისში რეგისტრაცია.

 

პროგრამაზე მოხვედრის ეტაპები:

ონლაინ რეგისტრაცია;

დოკუმენტაციის გადარჩევა;

გასაუბრება.

​

სწავლის დაწყების თარიღი:

2026 წლის 16 ნოემბერი.

 

სწავლების ვადა:

3 თვე, კვირაში 3-5 დღე.

 

 

დასაქმების სფერო:

მოკლევადიანი პროფესიული საგანმანათლებლო პროგრამის კურსდამთავრებული შეიძლება დასაქმდეს სხვადასხვა ტიპისა და იურიდიული სტატუსის მქონე ორგანიზაციებში, ან/და თვითდასაქმება.